Monday, August 9, 2010

गजलः भेट्न चाहे भेटिन्छ

-टेकेन्द्र अधिकारी

हेर्न चाहे देखिन्छ पैतालामै देश
भेट्न चाहे भेटिन्छ ढुङ्गामै देश

देशप्रेम भावना हो, सम्हालेर राख्नू
मेट्न चाहे मेटिन्छ सीमानामै देश

वरिपरि हुन्छन् बैरी टाढा नखोज्नू
रेट्न चाहे रेटिन्छ गर्धनमै देश

सबैभन्दा माथि हुन्छ देश सम्झिनू
फेट्न चाहे फेटिन्छ कफनमै देश

अमर छन् सहिदहरु, मूल्य नतोक्नू
लेट्न चाहे लेटिन्छ रगतमै देश

-विराटनगर


No comments: