कोशीमा पन्टुन हाल्ने कि

कोशीले पूर्वी तटबन्ध भत्काइ बहावको दिशा फेरेको आज २३ दिन भयो । भारतको जोगबनीबाट ५४० किलोमिटर पारगरि रक्सौलबाट जानेबाहेक सडकमार्गको विकल्प खुला भएको छैन ।
माथिको तस्बिर २०६४ भदौ २१ गते पश्चिम वंगालको दलखोलामा खिचेको हो । कोलकाता बन्दरगाहबाट विहार हुँदै विराटनगर आइपुग्ने मार्गको खोलामा रहेको बेलब्रिज भत्किएपछि यो सेनाले बनाएको अस्थायी पुल थियो । नाम-पन्टुन । हावा भरिएको बेलुनमा पुल । यसबाट ५० टनसम्मका गाडी आवत जावत गर्न सक्थे । तीन महिनाका लागि यहाँ लगाइएको पुल सेनाले युद्धमा जाँदा उपयोग गर्ने साधन रहेछ । कोशीमा यस्तो अस्थायी व्यवस्था किन नगर्ने भन्न खोजेको । नदिलाइ पुरानै बाटो फिराउने चर्चा चलेका बेला त्यो तुजुक कतिको सफल हुन्छ भन्नेमा सबै विश्वस्त छैनन् । जे होस दुइ देशलाइ असर पारेको कुरा हो । खटिएकाहरुलाइ सफलता मिलोस । चाडै बाटो खुलोस् ।